Komisioni i Ligjeve ka nisur mbledhjen ku shqyrton hartën e re të vendit, ku në tryezë është nisma e njëanshme e PS për të kaluar në 46 bashki.
Por paralelisht me këtë, PD ka sjellë një variant tjetër me 100 bashki, për të cilën kërkon të bëhet një tjetër raund konsultimi publik, duke tentuar të frenojë miratimin e variantit socialit brenda datës 8 tetor.
Por PS ngul këmbë se do të ecë me variantin e saj.
Debatet në komision:
Oerd Bylykbashi: Nga keq, e çoni akoma më keq. Ne kemi propozuar kalimin në 100 bashki. Reforma 2014 ka sjellë erozion social dhe institucional. Kanë ikur njerëzit. Konsultimet tuaja publike me komunitetin janë false. Ju po e bëni si e do kryeministra. Duhet që bashkitë të mundin të qeverisin vendin në përditshmëri për qytetarët, edhe sikur të jenë 1 vit pa qeveri. Ju nuk jeni konsultuar me komunitetet.
Nisma juaj dhe nisma jonë, duhet të bashkohen. Duhet të bëhet edhe për nismën tonë procedurën e konsultimit publik që bëtë për draftin tuaj.
Ju vratë konsensus se donit të nxirrnit hartën tuaj me 46 bashki.
Bashkoni nismën tuaj legjislative, bashkoni dy nismat dhe bëni procedurë të njëjtë.
Ulsi Manja: Silleni nismën tuaj, kur ta kemi në tavolinë do flasim. Ky komision do të vijojë me shqyrtimin e projektligjit të sjellë nga Partia Socialiste.
Saimir Korreshi: Pse Byrek është ky, nga ata të ngrirët që e fut në furrë e del për 4 minuta? Kjo nuk bëhet më një ditë. Edhe Diella me AI të kishte ardhur, nuk do ishte bërë. Nuk mund tu themi këtë shqiptarëve. Është dhe ky varianti ynë tjetër. I mirë i keq, le ta shohim. Duhet dëgjuar varianti tjetër. Jemi të mbaruar fare. Njësive vendose po ju bien tavanet. Do marrë qytetari dang dang autobusin 2 orë, për të shkuar në bashki të mbajë radhën, e jo më të zgjidhë gjë. Pres qafën unë po e shkel kryetari i bashkisë territorin. Do merret ai kryetar me gardhin?
