Sociale 30 Qershor 2025, 09:56 Nga VNA

Një variant i ri i Covid pritet të qarkullojë gjatë verës, ja simptomat kryesore

Ndaje në Whatsapp
Një variant i ri i Covid pritet të qarkullojë gjatë

Një variant i ri i Covid, i quajtur Stratus, pritet të qarkullojë gjerësisht gjatë verës në Europë, duke zëvendësuar variantin Nimbus. OBSH po e monitoron nga afër këtë variant, i cili mendohet se shmang më lehtë sistemin imunitar krahasuar me variantet e mëparshme.

Në Indi, ku Stratus ka qenë varianti dominues gjatë pranverës, mjekët kanë evidentuar si simptomë karakteristike ngjirjen e zërit, e cila është raportuar gjithnjë e më shpesh nga pacientët, së bashku me kollë të thatë, acarim dhe dhimbje fyti. Ndryshe nga valët e mëparshme kur humbja e shijes dhe nuhatjes ishin shenja dalluese, ky variant duket se shfaqet me simptoma më të zakonshme të frymëmarrjes.

Raportimet nga Mbretëria e Bashkuar përmendin gjithashtu dhimbje të forta fyti dhe dhimbje të mprehta gjatë gëlltitjes, të lokalizuara kryesisht në pjesën e pasme të fytit. Ndër simptomat e tjera të zakonshme mbeten lodhja, kolla e lehtë, ethet, dhimbjet muskulore dhe bllokimi i hundëve.

Stratus ka shënuar rritje të shpejtë në Europë, ku prania e tij është rritur nga 10.6% në 16.7%, si dhe në Azinë Juglindore, ku është rritur nga 17.3% në 68.7%.

OBSH ka theksuar nevojën për masa të kujdesshme për të adresuar pasiguritë që lidhen me përhapjen dhe ashpërsinë e këtij varianti të ri gjatë verës.

Video

Një avion luftarak F-16 është rrëzuar në mënyrë tragjike gjatë një stërvitjeje për një shfaqje ajrore në qytetin Radom, rreth 100 kilometra në jug të Varshavës. Pamjet e publikuara tregojnë momentin kur avioni ngjitet në lartësi, tenton një manovër të rrezikshme “loop-the-loop”, por humbet kontrollin dhe përplaset me pistën, duke shpërthyer menjëherë në një top zjarri. Piloti, një veteran i ushtrisë, fatkeqësisht nuk arriti të mbijetonte.

Protestuesit sulmojnë me gurë presidentin e Argjentinës, Javier Milei. Ngjarja ndodhi gjatë një takimi elektroale në Buenos Aires të mërkurën. Incidenti detyroi forcat e sigurisë të pezullojnë menjëherë takimin elektoral.

Një aksident automobilistik është regjistruar sot në Tunelin e Llogarasë, ku janë përfshirë tre automjete. Përplasja ka shkaktuar dëme materiale dhe bllokim të përkohshëm të qarkullimit me rradhë të gjata automjetesh. Njoftimi i plotë: Sot, më datë 28.07.2025, rreth orës 15:45, në “Tunelin e Llogarasë”, ka ndodhur një përplasje midis tre automjeteve, vetëm me dëme materiale. Në aksident janë përfshirë automjetet: tip “Audi”, me drejtues shtetasin A. M., tip “Volvo”, me drejtues shtetasin A. H., dhe tip “Mitsubishi”, me drejtues shtetasin K. M. Pas përfundimit të veprimeve proceduriale, automjetet e aksidentuara u spostuan dhe qarkullimi në tunelin e Llogarasë vijon normalisht.

VIDEO/ Aktivistë pro-palestinezë i bllokojnë rrugën ekipit izraelit të çiklizmit, Policia spanjolle shmang incidentet Në Figueres të Spanjës, aktivistë pro-palestinezë ndaluan ekipin izraelit të çiklizmit gjatë një gare ekipore me kronometër në turin çiklistik “Vuelta”. Protestuesit bllokuan fizikisht rrugën, duke valëvitur flamuj palestinezë dhe banderola që shkruanin: “Neutraliteti është bashkëfajësi, bojkotoni Izraelin”. Organizatorët dhe policia zhbllokuan shpejt rrugën, duke shmangur çdo aksident. Ekipi izraelit, ku bën pjesë edhe çiklisti izraelit Nadav Raisberg, humbi vetëm disa sekonda, pa ndonjë pasojë vendimtare për renditjen e përgjithshme. Izraeli ka qenë prej kohësh shënjestër e protestave: incidente të ngjashme kanë ndodhur tashmë në Tour de France dhe Giro d’Italia, me thirrje për bojkot nga lëvizjet që denoncojnë politikat izraelite ndaj palestinezëve.

Doni të informoheni të parët për lajme ekskluzive?

Bashkohuni me grupin tonë privat.

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme