Çështja palestineze zbret në Tiranë. Një zë i fuqishëm, student dhe aktivist Atta Khaled, ka zhvilluar një takim në kryeqytet për të buçitur të vërtetat, që gjithë bota po përpiqet t'i heqë zërin se çfarë po ndodh në Gaza.
Atta është një të ri palestinez i lindur dhe rritur në lagjen Jabalia, në Rripin e Gazës. Për shkak të rrethanave të luftës dhe faktit që zotëronte edhe shtetësinë egjiptiane, ai u evakuua drejt Egjiptit. Aktualisht, ai ndjek studimet për ekonomi politike në Universitetin e Birminghamit.
Gjatë diskutimit, u ndaluam kryesisht te rëndësia e organizimit të aktiviteteve që japin zë gjenocidit që po ndodh në Gaza. U diskutua gjithashtu mungesa e lirisë për të organizuar manifestime në shtete fqinje si Egjipti apo Jordania, ku ndodhen një pjesë e madhe e refugjatëve palestinezë.
Nuk munguan as reflektimet mbi shtypjen e protestave në mbarë Europën, të cilat kundërshtojnë gjenocidin që po ndodh në Palestinë, vështirësitë për tu organizuar në universitete sepse përballesh me përjashtim nga Universiteti dhe shumë peripeci të tjera, raporton shoqata Drejtësi Sociale.
