Nga Dukati në Lurë, zjarret përfshijnë masivet pyjore, vështirësi për helikopterët
Zjarr në malin Vastak në fshatin në Dukat të Vlorës, duke rrezikuar Parkun e Llogarasë. Digjen mbi 160 hektarë pyje dhe bimësi.
Ditën e djeshme pati ndërhyrje nga ajri me helikopterin 'Cougar', flakët nuk u arritën që të viheshin nën kontroll.
Sot, në orët e para të mëngjesit, janë nisur një grup tjetër pune zjarrfikësish, inspektorësh të pyjeve dhe zonave të mbrojtura.
Ndërkohë që edhe një masiv pyjor në Parkun Kombëtar të Lurës, në qarkun e Dibrës, është përfshirë nga flakët këtë të martë, duke rrezikuar seriozisht zonën natyrore pranë Liqenit të Luleve.
Zjarri ka marrë përmasa të mëdha për shkak të erërave të forta, të cilat po përhapin me shpejtësi vatrat në një terren të thyer malor, duke vështirësuar ndjeshëm ndërhyrjen nga toka.
Ekipet zjarrfikëse ndodhen në vendngjarje, por për shkak të aksesit të kufizuar dhe natyrës së vështirë të terrenit, operacioni për shuarjen e flakëve paraqitet i vështirë.
Pritet ndërhyrje nga ajri me helikopter, për të lokalizuar dhe neutralizuar zjarrin.
