Një situatë alarmante është regjistruar në njësinë nr. 5 të Tiranës, ku qindra qytetarë kanë denoncuar ndotjen e ujit të pijshëm në banesat e tyre. Si pasojë, Krimi Ekonomik ka nisur hetimet në terren, duke kryer veprime procedurale dhe sekuestrime të mundshme.
Sipas një njoftimi zyrtar, më 11 prill 2025, Seksioni për Hetimin e Krimit Ekonomik dhe Financiar ka marrë masa pas informacioneve të përhapura në rrjetet sociale. Hetimet zbuluan një çarje në tubacionin nëndheshëm të ujit, e cila dyshohet se ka ndodhur për shkak të amortizimit dhe ndërhyrjeve pa paralajmërim nga UKT.
Njoftimi:
Sot, më datë 11.04.2025, pas informacioneve të marra nga burime të hapura (rrjetet sociale) lidhur me një problematikë të ndotjes së ujit në disa zona të qytetit të Tiranës, nga Seksioni për Hetimin e Krimit Ekonomik dhe Financiar janë kryer veprime hetimore dhe procedurale për dokumentimin dhe sqarimin e rrethanave.Në vijim të sa më sipër, është kryer këqyrja e vendit të ngjarjes, nga ku dyshohet se ka ndodhur çarja e tubacionit të nëndheshëm të ujit. Gjithashtu, i është marrë deklarim si person që ka dijeni shtetasit Dorjan Korbeci, me detyrë Drejtor i Departamentit të Prodhimit dhe Shpërndarjes, i cili ka sqaruar se, në rrugën “Shaban Karaj”, si pasojë e amortizimit, është dëmtuar linja e furnizimit me ujë, duke sjellë si pasojë furnizim me turbullira.
Një situatë e rëndë ka ndodhur ditët e fundit në Tiranë, ku në banesat e qytetarëve ka pasur ujë të ndotur. Pas disa denoncimeve në rrjetet sociale, gazetari Arsen Rusta ka depozituar në SPAK një kallëzim për kreun e UKT-së Tiranë, Skerdi Drenova, për ndotjen e ujit.
