Ish-ministri i Mbrojtjes, Fatmir Mediu, i pandehur për tragjedinë e Gërdecit, paraqiti në Gjykatën e Posaçme kundërshtimet e tij mbi përgjigjet e ekspertëve për akt-ekspertimin tekniko-ushtarak.
Mediu deklaroi se, sipas urdhrave të Shtabit të Përgjithshëm, del qartë se shpenzimet për transportin e municioneve nuk kanë qenë në kompetencë të Ministrit të Mbrojtjes.
Ai shtoi se, sipas ligjit për buxhetin, fondet e dhuruara për procesin e demontimit konsiderohen pjesë e buxhetit të Ministrisë së Mbrojtjes, qoftë si grante apo kredi. Në çdo rast tjetër, transporti është kryer nga Forcat e Armatosura.
