IKMT i shoqëruar nga forcat e policisë dhe FNSH, ka zbarkuar sot në Tragjas për të nisur shembjen e disa banesave, në kuadër të një projekti për ndërtimin e ujësjellësit.
Banorët, të cilët prej kohësh e kundërshtojnë këtë projekt, shprehen se nuk janë informuar siç duhet për zhvillimet dhe kanë kërkuar një konsultim me bashkinë. Ata prisnin një takim sqarues, por sot janë përballur me prezencën e forcave policore dhe nisjen e prishjeve nga IKMT.
Projekti synon të marrë burimet e ujit të fshatit Tragjas për të furnizuar resortet e bregdetit të Palasës.
