Kryeministrja italiane Giorgia Meloni, ka folur sërish për qendrat e emigrantëve në Shëngjin dhe Gjadër të Lezhës të cilat u ngritën për të pritur emigrantë, në kuadër të marrëveshjes mes qeverisë së Italisë dhe Shqipërisë.
Meloni tha se qendrat e emigrantëve do të funksionojnë.
“Qendrat e emigrantëve në Shqipëri do të funksionojnë, edhe nëse më duhet të kaloj çdo natë atje deri në fund të qeverisjes. Sepse dua të luftoj mafian dhe i kërkoj të gjithë shtetit italian, njerëzve të respektuar, të më ndihmojnë të luftoj mafian”, tha ajo.
Më tej iu drejtua sistemit të drejtësisë, duke thënë: “Jam e sigurt se objektivi i shumicës së magjistratëve është të luftojnë çdo mafie, qoftë edhe atë të detit. Por nëse nuk jemi efektivë, të vetmit që përfitojnë janë kriminelët”.
Kujtojmë se qendrat momentalisht nuk kanë asnjë emigrant, pasi dy grupet që u sollën në Shqipëri, me vendim të një gjykate në Romë, u kthyen në Itali.
