Parlamenti i Shqipërisë dhe ai i Kosovës do të zhvillojnë një mbledhje të përbashkët më 20 dhjetor, në orën 11:00, në sallën e seancave plenare të Parlamentit të Kosovës.
Axhenda e mbledhjes nuk është bërë ende publike, por burime nga Parlamenti i Kosovës njoftojnë se gjatë seancës pritet të mbajnë fjalime kryetarët e grupeve parlamentare të të dyja vendeve.
Sa i përket pjesëmarrësve, pritet që Shqipëria të dërgojë rreth 70 deputetë, ndërsa Kosova rreth 60 deputetë.
