Kryetare e Gjykatës Kushtetuese, Holta Zaçaj, në emisionin “Log” në News24 ka folur për zhvillimet e fundit sa i përketë përfundimit të mandatit të saj. Zaçaj ndër të tjera tha se Gjykata e Lartë nuk e ka vënë ende në dijeni dhe se e ka marrë vesh nga media se ka pasur një pritshmëri në publik se mandati i saj përfundon në 10 mars 2025.
Zaçaj pretendon se në rastin e saj, si gjyqtare dhe kryetare, problemi është krijuar se dispozita nuk ka një datë të përcaktuar, por vetëm vitin.
“Në rastin e saj, si gjyqtare dhe kryetare, problemi është krijuar se dispozita nuk ka një datë të përcaktuar, por vetëm vitin. Pra dispozita e thotë: nuk ka rëndësi nuk betohesh, por mandati përfundon në 2025. Gjithashtu edhe vendimi i Gjykatës së Lartë nuk ka një datë”.
Zaçaj tha se Gjykata e Lartë është një nga organet e emërtesës dhe se Zaçaj është anëtare e Kushtetueses e emëruar nga Gjykata e Lartë. Sipas saj, kur janë hapur vakancat nga Gjykata e Lartë ka pasur data të përcaktuara, ajo e fillimit dhe e përfundimit të mandatit.
“Neni 129 i Kushtetutës thotë se gjyqtari kushtetues e nis detyrën kur bën betimin dhe e vazhdon atë për 9 vjet”, tha Zaçaj.
Ajo tha se në asnjë rast mandati i një anëtari të Kushtetueses nuk ka përfunduar në datën që i ka përfunduar anëtarit paraardhës në këtë Gjykatë.
“Pra nëse Vitore Tushes i ka përfunduar mandati në datën 10 mars, kjo nuk ka qenë nnjë datë e mbarsur nga paraardhësi i vet”, tha Zaçaj. Ajo tha se mandati i saj, referuar Kodit të Procedurës Civile, përfundon në datën e fundit të vitit pasardhës, pra në 31 dhjetor 2025.
Zaçaj tha se i është drejtuar Venecias, si një organ këshillimor. Ndërsa sa i përketë thirrjes për mbledhjen e gjyqtarëve për të hequr çdo dyshim se po shpëton karrigen e saj.
“Kam funksionin e Kryetarit dhe të gjyqtarit, që është në pikëpyetje për të përfunduar. Pikërisht për këtë situatë iu drejtova Komisionit të Venecias, pasi vura në dijeni Gjykatën e Lartë, e cila, pa pritur shpalljen e vakancës nga Kushtetuesja, nisi procedurat, si organ i emërtesës. Kjo mbledhje gjyqtarësh, unë nuk kam qenë e pranishme. Gjykata duhet të veprojë lirisht. Një mbledhje që del me votim ne e kemi si detyrim që të shpallim rezultatin. Mbledhjet për përfundimin e mandateve nuk zgjasin më shumë se 30 minuta”, u shpreh kryetarja e GJK.
Zaçaj ndër të tjera tha se rasti i saj u bë debat publik për 8 muaj zgjatje afati, ndërsa për këtë tha se fajin e kanë mediat që nuk e kanë kuptuar qëllimin e saj. Ndërsa e pyetur për rastin e mandatit të deputetes Olta Xhaçka, tha se “vendimet e gjykatave vetëm zbatohen dhe nuk vihen në pikpyetje”.
