Ish-deputeti dhe ish-kandidati i PD-së për bashkinë e Tiranës, Belind Këlliçi u paraqit ditën e sotme në SPAK. Ai është marrë në pyetje për dy orë dhe në dalje foli për mediat ku ndër të tjera tha se u pyet për shkollimin e tij, pasi akuzohet për falsifikim të diplomës së shkollës së mesme.
“E kam sqaruar para mediave, e kam sqaruar edhe sot në SPAK, kjo është një çështje që është ezauruar nga mediat në fushatë elektorale dhe nuk kam ndërmend që të jap më sqarime. Arsimi dhe edukimi im është krenaria ime më e madhe. Kam ndjekur ligjin amerikan në cdo praktike që kam ndjekur. Jam një nga krenaritë e Institutit Harry Fullz, mund të shkoni të pyesni aty kush jam unë. Mund të shkoni edhe në shkollën 8 vjecare. Po jua them, edukimi im është arma ime më e fortë dhe krenaria më e madhe e jetës time” – tha Këlliçi
VNA ka bërë një kërkim të thjesht për universitetin Coopin State University, ku Belind Këlliçi ka kryer studimet. Universiteti Shtetëror “Coppin” është një institucion publik që u themelua në vitin 1900. Ai ka një kapacitet total universitar prej 1,810 studentë, dhe madhësia e kampusit është 38 hektarë. Renditja e Universitetit Shtetëror Coppin në edicionin 2025 të Kolegjeve më të Mirë është Universitetet Rajonale Veriore, vendi 151 nga 165. Shkollimi dhe tarifat e tij brenda shtetit janë 7,100 dollarë; Shkollimi dhe tarifat jashtë shtetit janë 14,023 dollarë.
Pra nga informacionet që shfaqen në ëebin e universitetit në fjalë, duket se Këlliçi ka lënë përgjysmë “Harry Fulls” për një Kolegj modes. Por përtej dyshimeve për shkollimin e tij për të cilat hetimi do të tregojë të vërtetën, ajo që vihet re është se Belind Këlliçi nuk ka punuar asnjë ditë në sektorin privat, pavarësisht se thotë që ka mbaruar për Menaxhim Biznesi.
Kemi parë që politikanët që kanë një diplomë për degë të caktuar, ose i janë futur politikës duke pasur disa vite karrierë në profesionin e tyre, ose janë marrë me politikë dhe punojnë Part Time në profesionin e tyre. Çuditërisht Belind Këlliçi i cili mburret se ka mbaruar shkollën në SHBA, karriera e tij lidhet vetëm me politikën.
