Ditën e diel (27 tetor), pritet që mbetjet e rrezikshme të kthehen në Portin e Durrësit. Për këtë arsye Partia Demokratike ka bërë thirrje që qytetarët të mblidhen për të reaguar dhe për të kërkuar transparencë.
Anëtari i kryesisë së PD, Grigels Muçollari tha se mbërritja e ngarkesave duhet të shndërrohet në një moment transparence.
"Nëse nuk kanë ndjeshmëri dhe shpërfillin shqetësimet e qytetarëve vendas për mjedisin e shëndetin, do të jenë të detyruar të japin llogari për këtë trafik para autoriteteve ndërkombëtare. Ndërkohë që ne, shqiptarët, e kemi në dorë dhe duhet të kërkojmë shpjegime për këtë aferë të rrezikshme. 7 tetori është rasti që të ngremë zërin, të bashkohemi në shesh kundër padrejtësisë, kundër korrupsionit, kundër trafikut të mbetjeve të rrezikshme" - shprehet Muçollari ndër të tjera.
