Sekretari amerikan i Shtetit, Marco Rubio, ka bërë homazhe për Mother Teresa gjatë një vizite në qendrën e Missionaries of Charity.
Përmes një postimi në rrjetet sociale, Rubio ndau fotografi nga vizita dhe vlerësoi figurën e Nënë Terezës, duke theksuar ndikimin e saj në ndihmë të njerëzve në nevojë dhe në përhapjen e mesazhit të dhembshurisë në mbarë botën.
“Nënë Tereza la një trashëgimi të jashtëzakonshme dhembshurie dhe shërbimi. Pata nderin të vizitoja sot Misionaret e Bamirësisë për t’i bërë homazh trashëgimisë së saj dhe për të parë shembullin e gjallë të besimit katolik në veprim”, shkroi Rubio në një postim në Instagram.
Në fotot e publikuara, ai shihet duke vendosur buqeta me lule në nder të bamirëses shqiptare me famë botërore.
