Kombëtarja shqiptare do të përballet mbrëmjen e sotme me San Marinon, në ndeshjen e dytë të Nations League, ndërsa trajneri Maran ka përcaktuar futbollistët që nuk do të jenë pjesë e 23-shes për këtë sfidë.
Feta Fetai dhe Sabah Kerjota janë lënë jashtë listës dhe do ta ndjekin takimin nga tribuna.
Në dispozicion të trajnerit nuk do të jetë as Klisman Cake, i cili vuan nga një problem fizik. Ndërkohë, portieri Simon Simoni është bashkuar me Kombëtaren U21 për ndeshjen miqësore ndaj Ukrainës.
Rikthehet në skuadër Luis Hasa, i cili kishte mbetur në tribunë në ndeshjen e mëparshme ndaj Bjellorusisë.
Sfida San Marino-Shqipëri do të drejtohet nga një trupë arbitrash hungarezë. Kuqezinjtë kanë një bilanc pozitiv në përballjet direkte, pasi kanë fituar të katër ndeshjet e zhvilluara deri më tani ndaj San Marinos.
