Princi William dhe Princesha Kate janë zhvendosur së fundmi në një rezidencë luksoze në zemër të Windsor Great Park, por ardhja e tyre ka sjellë pasoja për fqinjët e rinj.
Çifti mbretëror, së bashku me fëmijët – Princin George (12), Princeshën Charlotte (10) dhe Princin Louis (7) – kanë bërë Fort Lodge me tetë dhoma gjumi rezidencën e tyre të përhershme. Megjithatë, për të garantuar privatësinë dhe sigurinë e familjes, dy familjeve që banonin pranë kësaj vile u është kërkuar të largohen gjatë verës.
Sipas burimeve për mediat britanike, familjet – të cilat ishin qiramarrëse në prona të Crown Estate – nuk ishin në dijeni të planit dhe nuk morën asnjë njoftim zyrtar. “Njerëzve iu kërkua të largoheshin. Mendoj se iu propozuan shtëpi të tjera për të banuar, por nuk e prisnin një gjë të tillë,” tha një burim.
Zyrtarët e pallatit mbretëror kanë qenë të prerë në kërkesën për të pastruar zonën më të afërt rreth rezidencës, për arsye sigurie dhe për të ruajtur privatësinë e princit dhe princeshës së Uellsit.
Familjet e zhvendosura janë sistemuar tashmë në banesa të ngjashme ose më të mira brenda territorit të Windsor-it, por lajmi ka ngjallur reagime për mënyrën sesi është menaxhuar situata dhe mungesën e transparencës ndaj banorëve të prekur.
