Sot, më shumë se kurrë më parë, jemi të lidhur me botën digjitale. Nga momenti që hapim sytë në mëngjes e deri në orët e vona të natës, telefoni, kompjuteri, televizori dhe pajisje të tjera elektronike janë pjesë e pandashme e jetës sonë.
Por sa kohë kalojmë realisht para ekraneve?
Statistikat globale tregojnë një realitet tronditës: njerëzit mesatarisht kalojnë nga 4 deri në 16 orë në ditë duke konsumuar përmbajtje digjitale. Kjo përfshin gjithçka – rrjetet sociale, video në YouTube, seriale në Netflix, lajme online, lojëra, dhe deri te leximi i email-eve apo puna nga kompjuteri.
Nëse e mendojmë më thellë:8 orë në ditë × 365 ditë = 2,920 orë në vit. Kjo kohë është e barabartë me rreth 121 ditë ose 4 muaj në vit. Po, në thelb, kalojmë një çerek viti të plotë duke jetuar në një realitet virtual.
Kjo nuk do të thotë që gjithë kjo kohë është e kotë. Shumë prej nesh punojnë online, mësojnë online, madje edhe ndërtojnë marrëdhënie dhe zhvillim personal përmes përmbajtjes digjitale. Por mes gjithë këtyre orëve të dobishme, fshihen edhe dhjetëra orë që na "vidhen" nga vëmendja jonë – scroll pa fund, klikime të pavetëdijshme, konsum sipërfaqësor që shpesh na lë të zbrazët.
