Rreth orës 08:05, Salla operative e Komisariatit të Policisë Mirditë është njoftuar se në fshatin Malaj, në oborrin e banesës së shtetasit Ledovik Syziu në momentin që ky shtetas ka ndezur automjetin, në pjesën e pasme të automjetit ka ndodhur një shpërthim. Për pasojë shtetasi Syziu është dëmtuar dhe po merr ndihmë mjekësore në Spitalin Rajonal të Mirditës jashtë rrezikut për jetën.
Ludovik Syziu 47 vjec nuk ka precedentë penalë të njohur, por njihet si njeri problematik në zonë. Ai ka mohuar të ketë përplasje apo konflikte me ndonjë person. Policia po heton të kaluarën e tij. Nderkohë që
nga 1997 ka nje vëlla të zhdukur pa gjurmë.
Menjëherë në vendngjarje kanë shkuar shërbimet e Policisë dhe grupi hetimor. Nga veprimet e para dyshohet se ka shpërthyer lëndë artizanale. Nën drejtimin e Prokurorisë Grupi hetimor po vijon intensivisht punën për sqarimin e rrethanave të ngjarjes dhe për sigurimin e provave me qëllim zbardhjen dhe dokumentimin ligjor të rastit.
