Me 3 mars 1977 Enveri Hoxha bën një vizitë në rrethin e Vlorës dhe takon edhe punonjës dhe kuadro të kooperativës së bashkuar Dukat-Tragjas, ku pasi nuk kënaqet nga rendimenti i tyre blegtoral, u jep leksione edhe mbi jetën në fshat dhe deri tek mbarështimi i bagëtive, kryesisht dele dhe dhi. Ndër të tjera, ai u mëson se si të përmirësojnë racën e dhenve, mos të kënaqen vetëm me ndërzimin natyral, por të mësojnë nga shkenca. Të përdorin ndërzimin artificial. Konkretisht çobenërve të Dukat-Tragjasit u thotë: “
Vallë ju nuk e dashuroni delen? Sigurisht që e dashuroni, por çështja qëndron këtu, që kur t'i viheni një pune, siç është ajo.
E dimë që çobani ka përvojë të madhe në punët e blegtorisë dhe preferon t'i ndërzejë delet me deshët e racës që ka në kope. Por ai duhet ta kuptojë edhe teorinë e ndërzimit artificial, e cila mbështetet në ndërzimin natyral me deshët e racës, por bëhet në mënyrë më të përparuar dhe më të sigurt. Gjatë këtij procesi, çobani duhet vetëm të kujdeset që të gjejë momentin dhe, kur u vjen afshi deshve, menjëherë të marrë shiringën në dorë dhe të veprojë. Si rezultat i kësaj, pas një kohe ai do ta ketë kopene e vet të transformuar me dele që do të japin më shumë lesh, qumësht etj. Kemi arritur në vallë suksese në këtë drejtim? Po, kemi arritur, bile në kope të mëdha, por këtë situatë duam që ta transformojmë krejtësisht kudo.”
