Dhe sa vite duhet të kalojnë për të zbardhur fatet e viktimave të diktaturës komuniste në Shqipëri?
Në vitin 2025, 34 vjet pas rënies së diktaturë, zbardhja e së vërtetës mbetet një proces i ngadalshëm, me hapa të vegjël si hapja graduale e arkivave, dëshmitë e mbijetuara dhe nismat për identifikimin e varreve të të zhdukurve. Zbulimi i një dokumenti arkivor të vitit 1949, ku Vangjel Nini nga fshati Nivicë i Sarandës kërkon trupin e djalit të tij, Foto Nini, viktimë e torturave të Sigurimit dhe i varrosur fshehurazi, kërkon zgjidhje.
Përgjigjja burokratike e Komitetit Qendror të Sarandës, që “nuk kemi dijeni, drejtohuni te Seksioni i Punëve të Brendshme” tregon mohimin e fajit dhe përgjegjësisë, duke fshehur të vërtetën pas një perde burokratike, për mohim dhe mungesë morali të krimeve në Shqipërinë komuniste.
Ky mohim dhe kalvari i vuajtjeve të familjes Nini pasqyrojnë dhunën sistematike të regjimit, ku strukturat burokratike fshehën torturat dhe ekzekutimet, duke lënë pas trauma kolektive.
Megjithë përpjekjet e tranzicionit, shumë fatkeqësi mbeten të fshehura. Dokumenti i 1949 kërkon hulumtime, hetime të plota dhe njohje zyrtare të krimeve të diktaturës.
Teksti i fotos:
Komitetit P.P.Sh. Rrethi Sarandë
- Vangjel Nini nga katundi Nivicë-Bubar, banues Sarandë i ka drejtuar një lutje Komitetit Qëndror dhe kërkon që t'i jepet autorizimi që të tërheqi eshtrat e djalit të tij Foto Nini nga kopshti i Seksionit të Sigurimit të atyshëm, ku simbas pohimeve të t'interesuarit, Foto Nini është varrosur nga njerëzit e Sigurimit mbasi i është shkaktuar vdekja prej torturave.
Për sa sipër, të thuhet Z. Vangjel Nini nga ky Komitet se Komiteti Qëndror nuk ka dijeni në se është e vërtetë që djali i tij të jetë varrosur në kopshtin e Seksionit të Sigurimit të Sarandës, prandaj ay mund të drejtohet për këtë çështje Seksionit P. Mbrendshëm aty dhe të marrë sqarimet e nevojshme.
Drejtori i Kuadrit
(Theodor Heba)
- 3/8/1949
