Kreu i “Shqipëria Bëhet”, Adriatik Lapaj, ka reaguar pas procedimeve penale të disa protestuesve nga Policia e Tiranës, duke u vetëofruar për t’u dhënë asistencë ligjore.
Përmes një reagimi në Facebook, Lapaj tha se pasi dëgjoi thirrjen e Gent Prognit për ndihmë juridike, ai dhe ekipi i tij i avokatëve janë në dispozicion të protestuesve që janë proceduar ose mund të procedohen në vijim.
“Sapo dëgjova një thirrje nga Gent Progni, i cili kërkonte asistencë ligjore për protestuesit e proceduar penalisht nga policia. Personalisht, si avokat, dhe gjithë ekipi ynë i avokatëve janë në dispozicion të protestës. Kushdo nga protestuesit që është proceduar apo do procedohet të më kontaktojë! Asnjë hap pas!”, shkruan Lapaj.
