Pavarësisht deklaratave të bëra gjatë fushatës, Adriatik Lapaj, drejtues i koalicionit “Shqipëria Bëhet”, i ftuar në emisionin “Të Paekspozuarit” në MCN TV, u shpreh se do të jetë në parlament si deputet, megjithëse kishte qenë në dilemë nëse duhej të linte punën e tij shumë të paguar.
Me gjasë, Lapaj nuk e mban mend premtimin që kishte bërë se nuk do të ishte ai në parlament, nëse partia që drejtonte do të merrte një mandat në zgjedhjet parlamentare. Por duket se premtimi është harruar, dhe tashmë meraku i vetëm i tij është rroga e deputetit, e cila, siç thotë ai, është më e vogël se të ardhurat që siguron si avokat.
“Të lë punën që kisha, që është shumë më e paguar se kjo që do të shkoj, nëse shkoj. Pse? Të shkosh në parlament si opozitë e vetme, përse? Të dalësh e të të shajnë të gjithë se nuk je pjesë e sistemit, pse? Ne e bëjmë këtë sepse vërtet e besojmë.
Unë jam avokat, funksionoj mbi letra. Do të hapet Fieri, mbase bëhen dy deputetë,” – tha Lapaj.
