Florenc Çapja mbërrin në Rinas nga Emiratet e Bashkuara Arabe. Nën masa të rrepta sigurie, i dënuari me burgim të përjetshëm do të shoqërohet në një burg të sigurisë së lartë. 44-vjeçari, që u ekstradua nga Dubai, është nipi i Ardian Çapjas, i cilësuar si kreu i një grupi kriminal. Të dy janë dënuar me burg përjetë për vrasjen e Gentian e Nezir Beqirit për hakmarrje. Grupi Çapja njihet për përplasjet me Suel Çelën.
