Gazetarja Klodiana Lala, në emisionin “Të Paekspozuarit” duke folur për krimet zgjedhore të fushatës për zgjedhjet parlamentare të 11 majit, tha se hetimet që bëhen sot ndaj zyrtarëve mund të kenë efektin në votë.
Lala u ndal në Durrës dhe Elbasan ku tha se po nuk e shite votën ta marrin me kallash te koka.
“Krimi zgjedhor për t’u provuar, do të duhet të ketë një bazë të dyshimit të arsyeshëm, do të dojë kohën e vetë. Jemi në dhjetë ditë para zgjedhjeve. Është faza më e nxehtë, prokuroria do të ketë më shumë brumë, për të patur goditje konkrete.
Ja të jap një shembull. Para pak ditësh kam raportuar për pyetjen e zotit Arbjan Mazniku në prokuroinë e Tiranës. Zoti Mazniku nuk u denoncua direkt, ishte Këllici që kallëzoi zotin Veliaj për një rrugë. Prokurorisë iu deshën dy vjet. Prokuroria vetëm pas dy vitesh e thirri për ta marrë në pyetje. Sot pasi është marrë dëshmia e zotit Mazniku, pas dy vitesh po bëhet gati dosja për SPAK. Pra hetime që mund të nisin sot mund të kenë efektin edhe më vonë.
Durrësi nuk ka nevojë, është si Kolumbia sot. Elbasani po ashtu. Edhe po nuk e shite votën ta marrin me kallash te koka. Koha do ta tregojë, se diku do të mbetet një provë. E mbani mend dosjen 184 dhe 339? Edhe kur dikush refuzon, në Durrës, Shkodër, Elbasan, Fier, janë problematike, nëse nuk ka bashkëpunim mes qytetarëve dhe insitucioneve nuk i kërkohet policisë dhe prokurorisë” – tha Lala.
