Eris Mehmeti nga Tropoja është arrestuar nën dyshimet se ka krijuar kushtet për vrasjen e Renato Hoxhajt në Vlorë tri ditë më parë.
Mehmetaj rezulton se merrej me shitje pronash dhe njihej si mik i Roan Brahimit alias Sidorel Prendit, i cili u ekzekutua në maj të 2024 në Athinë, ndërsa pak ditë më parë në Pllanë të Lezhës, u ekzekutua babai i tij, Gjovalin Prendi.
Nga hetimet e policisë, rezulton se Mehmeti ka siguruar makinën që përdori për të lëvizur vrasësi.
Rezulton se makinën, i arrestuari ia kishte dhënë autorit të dyshuar të krimit. a kishte dorëzuar autorit para krimit, ndërsa mjetit i ishin ndërruar edhe targat.
Vrasja e Renato Hoxhajt teksa doli nga shtëpia e tij në lagjen Hajro Cakërri, dyshohet të jetë porositur nga Emiratet e Bashkuara Arabe.
Nga verefikimet e deritanishme rezulton se viktima ndonëse nuk kishte bërë denoncim në polici, kishte rritur masat e sigurisë, pasi dy muaj më parë kishte instaluar në banesat e tij, kamera sigurie.
Autori i dyshuar rezulton se ishte veshur me rroba blu të errëta, sic rezulton dhe nga fotoja dhe në fytyrë mbante një maskë në dukje si ato ato anticovid. Ai e priti për më shumë se 1 orë e gjysmë shënjestrën e tij dhe sapo Renato Hoxhaj doli nga banesa në orën 06.20 e qëlloi me dy plumba në kokë dhe një në trup. Policia dyshon në disa pista, që nga problemet e pronësisë dhe deri tek fakti se Renato Hoxhaj mund të ketë qenë informator i një grupi kriminal në Vlorë, në një nga atentatet mafioze dhe e ekzekutuan me qëllim që ai të mos fliste nëse arrestohej. Ai ishte baba i dy fëmijëve dhe pas ndarjes nga e shoqja bashkëshjetonte me një grua tjetër. Hoxhaj punonte roje në një kantier në ndërtim.
