Gjykata e Posaçme ka vendosur të kalojë për gjykim çështjen penale ndaj avokatit Radovan Çela, i cili është marrë i pandehur në lidhje me dosjen e njohur si “Toyota Auris”.
Gjatë seancës, Çela kërkoi gjykim të shkurtuar, por trupa gjykuese do të shprehet më 12 maj lidhur me pranimin ose jo të kësaj kërkese.
Çela dyshohet për korrupsion dhe ushtrim ndikimi të paligjshëm ndaj funksionarëve të drejtësisë, pasi dyshohet se ka ofruar para me qëllim ndikimin në vendimmarrjen e tyre në favor të të pandehurve të dosjes “Toyota Auris”, ku në Portin e Durrësit u sekuestruan 3.4 milionë euro.
Në të njëjtën çështje është arrestuar edhe ish-drejtuesi i Prokurorisë së Vlorës, Aurel Zarka, i cili është në pritje të vendimit të gjykatës. Ndërkohë, janë shpallur në kërkim ish-oficerja e gjyqësorit Erjona Daupaj dhe biznesmeni Astrit Vladi.
