Një ngjarje e rëndë kriminale u regjistrua në Shkodër. Një turist ka vrarë bashkëshorten dhe më pas ka tentuar vetëvrasjen. Ai ndodhet në gjendje të rëndë.
Detaje të reja janë zbardhur lidhur me ngjarjen e rëndë në Shkodër. Krimi ka ndodhur në një shtëpi që çifti amerikan kishte prenotuar përmes Airbnb në qendër të qytetit të Shkodrës. Çifti, sipas hetuesve, është zënë dhe më pas burri, Brandon Saporito 57 vjeç e ka goditur për vdekje gruan Sandra Holley, 53 vjeç me thikë dhe shishe birre.
Më herët në Shqipëri, një shtetas palestinez, Fadi Alwan, vrau me thikë vajzën e tij, Rayyan Alwan, ndërsa një mësues amerikan vrau partneren e tij, dy qentë dhe më pas u vetëvra.
Njoftimi
Shkodër/Informacion paraprak
Rreth orës 10:15, në rrugën "At Shtjefën Gjeçovi", në një banesë të marrë me qira, dyshohet se është vrarë me mjet prerës, shtetasja amerikane, S. S.
Në banesë u gjet bashkëjetuesi i saj, shtetas amerikan, i cili dyshohet se është autori i vrasjes. Ky shtetas u shoqërua në spital për ndihmë mjekësore, pasi dyshohet se është në gjendje të dehur dhe ka dëmtime të lehta, në duar, me mjete prerëse.
Grupi hetimor, në drejtimin e Prokurorisë, po punon për zbardhjen e rrethanave dhe për dokumentimin ligjor të rastit.
