Shërbimi Meteorologjik Ushtarak njoftoi se për ditën e shtunë, vendi ynë do të përfshihet nga kushte atmosferike të qëndrueshme, me mbizotërim të motit të kthjellët gjatë gjithë ditës. Megjithatë, vranësira të kufizuara priten kryesisht në zonën veriperëndimore pas orëve të mesditës.
Në mëngjes, do të ketë mjegull ose mjegullinë lokale. Era do të fryjë lehtësisht nga drejtimi jugperëndimor dhe juglindor, me shpejtësi mesatare prej 1-5 m/sek. Ndërsa përgjatë vijës bregdetare dhe në zonat luginore, era do të arrijë shpejtësi deri në 7 m/sek, duke sjellë valëzim të lehtë në det me forcën 1 ballë.
