Debat i ashpër te Urdhri i Psikologut. Ish-Presidentja e Urdhrit, Valbona Treska, refuzon të njohë zgjedhjet që kanë zgjedhur pasardhësen e saj, Brunilda Laboviti, dhe nuk liron zyrën. Burimet thonë se Treska i kërkon Labovitit të largohet dhe se nuk do t’ia dorëzojë detyrën. Debati për Urdhrin e Psikologut po vijon prej një viti e gjysmë. Ndaj Treskës ka një kallëzim penal në Prokurorinë e Tiranës, nën dyshimet për abuzime me detyrën dhe fondet e Urdhrit.
