Zyra Evropiane Kundër Mashtrimit e Korrupsionit të Fondeve të BE në raportin e fundit, ka publikuar dhe hetimin që ka bërë në lidhje me keqpërdorimin e fondeve të IPARD II nga ana e AZHBR në periudhën kur Frida Krifca ishte në kry të këtij institucioni.
Në hetimin që ka bërë OLAF, ka gjetur disa parregullsi gjatë fazës së ndarjes së granteve dhe zbatimit të disa projekteve. Ndër to, në raport thuhet se aplikantët ishin të detyruar të paguanin një pjesë të madhe të grantit të tyre te një kompani konsulence lokale. Gjithashtu kontratat jepeshin pa konkurrencë ose përmes një konkurrimi të manipuluar me oferta të rreme apo të fryra dhe shkelje të rregullave kontraktuale.
Pas këtij hetimi, OLAF thotë se i rekomandoi Komisioni Evropian të anullonte një pjesë të financimit të IPARD II prej 33 milionë eurosh, si dhe të anullonte edhe financimin e IPARD III prej 112 milionë eurosh për bujqësinë shqiptare, derisa të bëheshin hetime për këtë çështje.
Duke konsideruar si një aktivitetet i mundshësm kriminal, OLAF gjithashtu dërgoi një kopje të gjetjeve të saj tek autoritetet gjyqësore të Shqipërisë, duke çuar një kallëzim dhe në SPAK në datën 13 qershor të vitit 2021.
Kujtojmë se në mars të këtij viti, zyra Evropiane Kundër Mashtrimit e Korrupsionit të Fondeve të BE, i ka dërguar një letër edhe drejtuesit të SPAK, Altin Dumanit, në lidhje me kallëzimin penal që kjo zyrë kishte bërë për korrupsionin me fondet bujqësore dhënë AZHBR në vitet 2017-2020.
Në letër thuhej se nëse SPAK nuk mbyllte hetimet brenda muajit prill 2024, prokurorët e EUROJUST do ta hetojnë vetë të kallëzuarën, ish drejtoren e AZHBR, Frida Krifca dhe 7 vartësit e saj duke i thirrur në Bruksel. Ata madje treguian edhe procedurat që do ndjekin nëse Krifca dhe vartësit e saj do refuzojnë që të paraqiten vullnetarisht, ku do përdoren format dhe mjetet e detyrueshme ligjore ndërkombëtare, për t’i hetuar e gjykuar në izolim atje.
134 milionë Euro grande të fondit “IPARD-II” të BE, nuk u janë dhënë fermerëve, por janë vjedhur me projekte false dhe u janë dhënë ndërtuesve të kullave, pushtetarëve e trafikantëve, me vendime të Krifcës në bashkëpunim me vartësit e saj.
Kundër Frida Kircës dhe 7 vartësve të saj, OLAF depozitoi 74 dosje abuzimesh me fondet e fermerëve, duke kërkuar hetimin dhe vënien para përgjegjësisë penale, të autorëve të krimit financiar dhe detyrimin e përfituesve të paligjshëm, për të ri-kthyer milionat që kanë marrë.
Meqenëse SPAK nuk ka nxjerr ende rezultatet nga ky hetim, çështja mesa duket pritet të shkojë në duart e prokurorëve europian të cilët nuk do ta lënë t’ia hedhi paq ish Ministrja e Bujësisë, Frida Krifcën.
