Belind Këlliçi deklaroi se në vitin 2015, pasi Veliaj kishte marrë detyrën si kryetar bashkie, firmosi një marrëveshje që i dha të drejtën 2 kompanive për të ngritur biznesin e riciklimit të mbetjeve në landfillin e Sharrës.
Një nga këto kompani quhej I.B. Recycling dhe administrohej nga një familjar i afërt i Redi Mollës, denoncoi Këlliçi.
Këlliçi tregoi se kryebashkiaku themeloi biznesin mafioz të plehrave që u ka kushtuar taksapaguesve të kryeqytetit të paktën 150 mln euro.
Me ardhjen e ‘Rilindjes’ në pushtet, Erion Veliaj kishte një vizion të qartë se si të ngrinte këtë sistem kriminal dhe pa humbur asnjë ditë kohë, themeloi biznesin e plehrave, fillimisht nëpërmjet drejtorëve 5D, e më pas duke bashkëpunuar më Ndranghettën në Itali, për të përfunduar tek afera korruptive e shekullit, inceneratori i Tiranës, i cili ende sot pas 7 vitesh nuk ekziston.
I gjithë ky transaksion vlerësohet të ketë kaluar shifrën e 150 milionë eurove. Ditët në vijim, do të bëjmë publike dhe një komponent shumë të rëndësishëm në këtë skemë, aferën e ECO Tiranës. Materialet e përpunuara nga Grupi i Ekspertëve pranë PD, do ti përcillen zyrtarisht SPAK-ut, i cili tashmë është përpara provës së zjarrit.
