Deputeti i PD-së, Ervin Salianji në interpelancën me ministrin Taulant Balla foli për rastin ku bashkëshorti i ministres Ibrahimaj plagosi vartësin e të shoqes.
"A ka ministra në dijeninë tuaj që përdornin telefonat Sky? Ngjarje e rëndë e pa raportuar është që bashkëshorti i një ministre, i bën një punonjësi të ministrisë së Financave, për shkak të pozicionit të punës, që i kërkon që të dorëhiqet." tha Salianji
Salianji pyeti ministrin Balla nëse ka informacion se disa ministra marrin 500 mijë euro për të emëruar shefa komisariatesh që dalin në përgjimet e Sky. Deputeti demokrat u ndal dhe te zhdukja e Martinajt.
Ju nuk na thoni dot si parti se po bëjmë namin në policinë e Shtetit se i keni rënë me hunj. Dilni dhe thoni që drejtuesit e policisë janë te grupi i Çiftelisë. Apo vetëm kur ishte koha e PD-së. Zbardhni zhdukjen e Ervis Martinajt, është gjallë apo ka vdekur? E keni në kërkim edhe sot. A keni guxim t’ua thoni familjarëve është gjallë apo jo? Është njoftuar 5 minuta para operacionit policor për arrestimin e tij se siç duket kishte plane të tjera qeveria”
Ministri Balla në interpelancë deklaroi se pastrimi në polici po vijon dhe është jetik.
"Kam menduar që do të vinit më të përgatitur në këtë interpelancë, por në fundit akti më kriminal në vlerësimin tuaj ka mbetur një gozhdë. Sa i përket shqetësimit tuaj lidhur me ecurinë e procesit të vetting, mos harroni që ligj ka përcaktuar kalimin në vetting vetëm të pjesës drejtuese, një trupë prej 300."
Balla i ktheu përgjigje pyetjes për aplikacionet ku hodhi propozimin për mandate 3-4 vjeçare
Sa i përket aplikacioneve që ju përmendet, mund t’ju vë në dispozicion raportin e EUROPOL, ku të gjithë e dimë që asnjë policive të vendeve europian nuk ka rezultuar imune ndaj lidhjes së policisë me krimin. Sa i përket çështjeve të emërimeve, përveç drejtorit të Përgjithshëm që bëhet me propozim të ministrit dhe miratim të kryeministrit, të tjerat bëhen nga drejtori i Përgjithshëm. Në ligjin Policisë së Shtetit ka ardhur koha që drejtuesit e drejtorive vendore ka ardhur koha të kenë mandat 3-4 vjeçar, siç i kanë vendet e tjera, për ti dhënë fund një lëvizje kaotike dhe për të garantuar karrierë.
