Julia Emiri është zgjedhur kryetare e re e Këshillit Kombëtar të Partisë Demokratike. Pas përfundimit të procesit të numërimit, Emiri siguroi 207 vota, ndërsa kandidatja tjetër në garë, Silva Hasaj, mori 83 vota.
Rezultati u shpall nga kryetari i komisionit të votimit, Gazment Bardhi, i cili konfirmoi zgjedhjen e Julia Emiritt në krye të Këshillit Kombëtar të Partisë Demokratike.
Ndërkohë, mbledhja e Këshillit Kombëtar solli edhe ndryshime të rëndësishme në përbërjen e Kryesisë së PD-së. Nga 17 anëtarët e zgjedhur që kanë qenë pjesë e Kryesisë gjatë katër viteve të fundit, kryetari i PD-së, Sali Berisha, vendosi të mos rikandidojë më shumë se gjysmën e tyre.
Si pasojë, nëntë figura të njohura të Partisë Demokratike, të cilët kanë mbështetur Berishën që në fillimet e lëvizjes së Foltores dhe procesit të Rithemelimit, nuk do të jenë pjesë e Kryesisë së re të dalë nga votimi i Këshillit Kombëtar.
Anëtarët e Kryesisë që mbetën jashtë:
Aldo Bumçi
Bardh Spahia
Eno Bozdo
Fatbardha Kadiu
Florion Mima
Ina Zhupa
Jozefina Topalli
Sorina Koti
