Avokatja Eda Grimci ka folur në Euronews Albania pas publikimit të listës së kandidatëve për anëtarë të Kryesisë së PD, ku emri i saj figuron mes të propozuarve që do t’i nënshtrohen votimit në Këshillin Kombëtar të partisë.
Grimci tha se përfshirja e saj në listë ishte e papritur, pasi nuk kishte dijeni se emri i saj do të propozohej si kandidate.
“Me thënë të drejtën unë nuk e dija që do të isha kandidaturë. Unë kisha bërë kërkesë për të kandiduar… unë nuk e dija që do të isha në listë,” u shpreh ajo.
Duke folur për mënyrën e përzgjedhjes së drejtuesve të partisë, Grimci theksoi se postet drejtuese duhet të fitohen përmes meritës dhe kontributit politik, jo përmes lobimeve të brendshme.
Sipas saj, anëtarët e Kryesisë duhet të kenë peshë politike dhe njohje brenda strukturave të partisë, ndërsa votimi në Këshillin Kombëtar është një proces politik dhe jo i bazuar në miqësi apo favore personale.
