Aktivisti rus kundër luftës dhe pianisti, Pavel Kushnir, ka vdekur në paraburgim në polici si rezultat i një greve urie. Miqtë dhe aktivistët raportuan javën e kaluar se Kushnir, 39 vjeç, vdiq në një qendër paraburgimi në Rajonin Autonom Hebre, një zonë e largët në Lindjen e Largët të Rusisë.
Kushnir u arrestua në maj nga Shërbimi Federal i Sigurisë së Rusisë (FSB) me akuzën e thirrjeve publike për aktivitete terroriste në kanalin e tij në YouTube.
“Unë u informova nga hetuesi i FSB-së në Birobidzhan. Djali im vdiq më 28 korrik të këtij viti, nga greva e urisë,” tha Levina për Mediazona. Detaje të mëtejshme dhe shkaku zyrtar i vdekjes së djalit të saj mbeten të panjohura, sipas publikimit.
Sipas Levinës, hetuesi pretendoi se autoritetet e burgut u përpoqën ta ndihmonin djalin e saj para se ai të ndërronte jetë.
“Ata thonë se po ndihmonin. Thonë se ka pasur IV dhe janë përpjekur ta mbështesin disi, por mesa duket nuk ka mjaftuar”, tha 79-vjeçarja Levina.
Sipas saj, trupi i Kushnirit së shpejti do të transportohet në vendlindjen e tij në Tambov, ku Levina banon aktualisht. Ajo nuk foli për çështjen penale ndaj djalit të saj, duke thënë se di pak dhe është e prekur thellë nga lajmi për vdekjen e tij.
