Erion Alibej i penduar i drejtësisë ka folur në GJKKO në kuadër të procesit Plumbi i Artë dhe për trafikun e drogës dhe lidhjen e vëllait të tij Endrit Alibej me Dritan Gjikës një narkotrafikant shqiptar i arrestuar në Dubai për llogari të Ekuadorit.
"Unë dhe Endriti kishim nisur një marrveshje biznesi. Ishin në trafik droge, por s’kemi qenë përzier kurrë me vrasje. Kemi pas njeriun më të rëndësishëm, u lidhëm me Dritan Gjikën. Endriti dhe shtetasi turk që u vra, mik i familjes tonë, kishim nis një ngarkesë prej 530 kg kokainë për në Turqi. Kishim investuar gjithçka aty”, tha Alibej.
Ai tha se pas vrasjes së Endritit në Bradashesh, xhaxhait të tij dhe një shtetasi turk ai tha se u zhyt në borxhe deri për bukën e gojës.
"Ne merreshin me punë të paligjshme kokainë, drogë. Patëm një biznes me Dritan Gjikën. Ai erdhi na takoi, me Endritin dhe shtetasin turk dhe kishin nisur një ngarkesë prej 530 kg kokainë në Ekuador me destinacion Turqinë. Kishte dy javë që ishte nisur ngarkesa. Vranë dy njerëzit kryesorë të kësaj ngarkesë, Endritin dhe mikun e tij, turkun, që kishin rol kryesor të nxjerrjes së drogës nga porti.
Endriti fliste me njerëzit pa të keq. Anija mbërriti në portin e Mersinit.
Përvec se më vranë 2 njerëz të rëndësishëm, më goditën shumë keq ekonomikisht. Deri për bukën e gojës.
Suel Çela ka pasur interes me nxjerrë Endritin jashtë loje", tha Alibej.
