I penduari i drejtësisë, Erion Alibej, po vijon dëshminë e tij në Gjykatën e Posaçme. Këtë të martë, ai rrëfeu për vrasjen e vëllait të Talo Çelës.
“Bujar Çela ka qenë taksist. Pas vrasjes së Emiliano Ramazanit, diskutova me Nuredinin, që armën e krimit ta vendosnim tek shtëpia e Bujar Çelës. E dija ku e kishte shtëpinë. Unë kisha informator Xhuliano Hoxhën”, tha Alibej.
Ai deklaroi më tej se Bujar Çela kishte një pikë shumice afër shtëpisë. “Përmes Xhuliano Hoxhës deshëm të gjejmë diçka që Bujari e kishte prekur me dorë, një qese, apo diçka. Doja që në të të fusnim armën e krimit dhe ta groposnim tek shtëpia”, tha ai.
Alibej deklaroi se do të njoftonte policinë përmes Leonard Palushit. Ish-oficeri Palushi është dënuar nga drejtësia për lidhje me grupet kriminale.
“Vendosëm ta ekzekutonim. Si fillim u angazhua nipi, që i referohem Skerdi Tasës dhe kushos, që i referohem a Hoxhajt. U angazhua kusho me nipçen për ta ekzekutuar”, tha Alibej.
Henrik Hoxha, ish i penduar i drejtësisë, u irritua në sallën e gjyqit dhe iu drejtua Alibejt me fjalët:
“Ku e di ti që isha unë o Tomaso Busheta?”
