Kryebashkiaku i Tiranës, Erion Veliaj, në mbrëmje e sotme pasi agjentët e Byrosë Kombëtare të Hetimit pritën dy orë para banesës së tij dhe të vëllait për të kryer veprimet hetimore, ka reaguar duke u treguar i gatshëm për t’u hetuar familjarisht.
Ndryshe nga dita e parë kur u paraqit në SPAK dhe i konsideroi kolegë prokurorët e SPAK, sot në reagimin e tij Veliaj thotë se ata janë të mirëpritur në çdo hetim. Në të dyja rastet kryebashkiaku i Tiranës tregon hipokrizinë e tij, pasi të quash kolegë ata që të hetojnë për të paktën tre akuza dhe të mirëpritur ata që bashkëshortja e tij i le dy orë pas dere nuk tregon asnjë shenjë vërtetësie.
Përpos sulmeve ndaj kundërshtarëve politikë dhe medias që nuk transmeton kasetat e tij të gatshme, Veliaj më tej thotë se nuk bën pjesë në kastën e vjetër politike që e vendos veten para ligjit. Në fakt, Veliaj është aktiv në politikë prej 20 vitesh tashmë, dhe nëse ka zgjedhur strategji të ndryshme nga Berisha apo Meta për qasjen ndaj SPAK, kjo nuk e shpëton nga akuzat dhe hetimet.
