Është një aksion i diktuar nga protesta e Belindit dhe Adriana Kalasë para bashkisë – kështu e komentoi kryetari i PD zbarkimin e BKH në shtëpitë e Erion Veliajt dhe vëllait të tij në kuadër të hetimit për Erion Veliajn.
Në një takim me gazetarët, Sali Berisha shprehu keqardhjen që Arben Ahmetaj ndodhet i arratisur, ndërsa i ka refuzuar 5 herë Erion Veliajt firmën për inceneratorin e Tiranës. Sipas tij, nuk mund të jenë kaq të forta akuzat për Ahmetajn dhe ende asnjë akuzë për Veliajn. Me kaq, kryetari i PD e mbylli komentin për çështjen e Veliajt, ndërsa shpjegoi se demokratët nuk e kanë pasur me detyrim, por me dëshirë, pjesëmarrjen në protestën e sotme të LRI para dyerve të SPAK.
