Vetëm pak ditë pas eklipsit total të Diellit që tërhoqi miliona njerëz në Europë, qielli po përgatit një tjetër spektakël.
Këtë herë protagoniste do të jetë Hëna.
Një eklips hënor pothuajse total do të bëjë që hija e Tokës të mbulojë rreth 96% të diskut të Hënës, sipas Associated Press.Fenomeni do të zgjasë më shumë se pesë orë, ndërsa faza maksimale pritet pak pas mesnatës sipas orës së bregut lindor të SHBA-së. Amerikat do të kenë pozicionin më të mirë për ta parë.
Afro një miliard njerëz në SHBA, Kanada dhe Amerikën Latine mund ta ndjekin të gjithë eklipsin, nëse kushtet meteorologjike janë të favorshme.
Në total, mbi tre miliardë njerëz në pjesë të ndryshme të botës mund të shohin të paktën një fazë të fenomenit. Europa, Afrika dhe Lindja e Mesme do të kenë vetëm pamje të pjesshme.
Edhe pse teknikisht nuk do të jetë një eklips total, Hëna mund të marrë një nuancë të kuqërremtë ose portokalli ndërsa kalon në hijen e Tokës.
Fenomeni është eklipsi i dytë hënor dhe i katërti në total gjatë vitit 2026.
