Në dhjetor të 2019 autoritetet belge kërkuan ndihmë nga institucionet e drejtësisë shqiptare për ekzekutimin e nje letërporosie në kuadër të hetimit që po kryhej atje lidhur me cështjen e njohur si Toyota Auris, ku së fundmi në kuadër të një hetimi të SPAK ka përfunduar në pranga drejtuesi i prokurorisë së Vlorës, Aurel Zarka, ndërsa janë shpallur në kërkim magjistratja, Eriona Daupaj, ish-oficere e policisë gjyqësore pranë prokurorisë për Krime të Rënda, avokati Radovan Cela dhe biznesmeni Astrit Vladi.
Belgët kërkonin informacion për Radovan Celën, me profesion avokat, i cili në atë kohë mbronte shtetasit Elvis dhe Alfred Vladi, të dyshuar për pastrimin e 3.4 milionë eurove që u sekuestruan në Portin e Durrësit të fshehura në dy automjeve. Po ashtu kërkohej informacion edhe për nje noter.
VNA ka mësuar përmes burimeve të besuara se autoritetet e huaja kërkonin të dhëna lidhur me numrat e telefonave që përdorte avokati dhe personi tjetër, hetimin e adresave të tyre elektronike dhe t’iu vidheshin në dispozicion kopje te emaileve, të lokalizoheshin shtëpitë dhe zyrat e tyre. Belgët kishin dyshime se Cela dhe personi tjetër me profesion noter ishin të përfshirë në aktivitetin e pastrimit të parave, ndaj në këtë kuadër kërkohej edhe marrja e tyre në pyetje. Faktet e zbuluara së fundmi nga SPAK tregojnë se dokumenti secret i belgëve përfundoi në duart e avokatit të dyshuar Radovan Cela. Ishte pikërisht oficerja e policisë gjyqësore pranë prokurorisë për Krime të Rënda Eriona Daupaj, e cila e informoi avokatin për kërkesën e belgëve, duke i dërguar kopje të dokumentit.
Ndërsa menjëherë ata nisën të thurin planin që të bënin të mundur bllokimin e ekzekutimit të leterporosisë. Pas shumë përpjekjesh, është bëre e mundur që gjykata e posacme të vendosë pranimin e pjesshëm të ekzekutimin e letërporosisë që lidhej me pyetjen e ish-kryetarit të Partisë Demokratike Lulzim Basha, i cili ishte i pari që e denoncoi cështjen në Parlament dhe paratë u zbuluan më vonë në Durrës, ndërsa për pjesën që lidhej me Radovan Celën dhe noterin është vendosur të kërkoheshin të dhëna shtesë nga autoritetet belge.
Për 3.4 milionë eurot që dyshohet se janë produkt i veprimtarisë kriminale, drejtësia shqiptare ka dënuar vetëm Elvis Vladin për akuzën e mosdeklarimit të të hollave në kufi. Faktet e zbuluara nga SPAK së fundmi tregojnë se për të aministuar pjesëtarët e grupit kriminal janë korruptuar njerëz të drejtësisë nga biznesmeni Astrit Vladi, që ëhstë vëllai i Elvis Vladit. Aktualisht Aurel Zarka është në pranga, ndërsa avokati, ish-oficerja gjyqësore dhe Astrit Vladi janë në kërkim, në një kohë që vijojnë hetimet për gjyqtarë dhe prokurorë nën dyshimet se janë përfshirë në korrupsion.
