Gjykata e Fierit dënoi sot me 12 vite burgim të pandehurin Ilir Nukaj, për veprën penale “plagosje e rëndë me dashje, me pasojë vdekjen”, në dëm të viktimës Namik Rustemi.
Prokuroria kërkoi 10 vite burgim, por trupa gjykuese me kryesuese Klodiana Kryeziu dhe anëtarë Noel Veizi dhe Alfred Konomi, vendosën ta rrisnin dënimin 2 vite marzhin e dënimit dhe përfundimisht e dënuan me 12 vjet.
Pas dhënies së vendimit familjaret e viktimës reaguan ashpër në sallë me fyerje dhe kanosje ndaj trupit gjykuese. Burime nga gjykata bënë me dije se mbesa e viktimës pasi është shoqëruar nga policia ka kundërshtuar daljen jashtë nga ambientet e gjykatës dhe ka thyer xhamin e derës kryesore të institucionit. Prokuroria e Fierit ka nisur procedimin ndaj kësaj shteteseje.
