Rinis në gjykatën e Posacme procesi ndaj Moisi Habilajt dhe tre të pandehurit e tjerë, Nezar Seiti, Meridian Sulaj dhe Fatmir Minaj.
Për favorizimin e grupit kriminal Habilaj në trafikun e drogës është hetuar dhe më pas dënuar për shpërdorim detyre dhe ish-ministri i Brendshëm Saimir Tahiri.
Gjykata e Apelit të Posacëm vendosi në prill të 2023 të prishë vendimin e GJKKO dhe kthejë për rigjykim dosjen penale ndaj kreut të grupit kriminal Habilaj dhe anëtarëve të tjetër.
Gjykata e Posacme pati cilësuar fajtor Moisi Habilajn për akuzën e "Trafikimit të narkotikëve", në bashkëpunim, mbetur në tentativë, në formën e posaçme të grupit te strukturuar kriminal dhe dënimin e tij me 15 vjet burgim. Nezar Seiti, i konsideruar si financier i grupit kriminal u dënuar me 13 vjet burgim. Nga nga 13 vjet secili u dënuan dhe Meridian Sulaj e Fatmir Minaj.
Të gjithë të pandehurit atëkohë përfituan ulje të një të tretës së dënimit për shkak të gjykimit të shkurtuar.
Ndërkohë që Habilaj dhe miqtë e tij do të gjykohen sërish nga GJKKO, Saimir Tahiri pret një datë për shqyrtimin e cështjes së tij penale në Gjykatën e Lartë.
