Ish-drejtori i policisë së Shkodrës Edmond Sulaj do të përballet sot në Gjykatën e Posacme me Gazmend Bardhin, kreun e grupit Parlamentar të Partisë Demokratike.
Sulaj e ka kallëzuar Bardhin për fyerje të bërë botërisht ndaj një ose me shumë personave. Gazmend Bardhi nga Kuvendi akuzoi maxhorancën se krimi i organizuar ka ndikuar për emerimin e drejtorëve të policisë, duke implikuar dhe Edmond Sulajn. Sipas Bardhit këto janë të dhëna të marra nga Sky ECC.
“Si ta quajnë drejtorin e policisë së Shkodrës, e di emrin? Ta them unë kush ta ka emëruar. Kodi pin i Sky ECC, DGLXJM: O vëlla ka llafe për atë mikun tënd ministër të Brendshëm. Di gjë ti? Përgjigjet kodi sky 7142D9: Po por kam frikë se nuk e bën. Ndërhyn prapë kodi DGLXJM: Mua Mondi më duhet një dimër aty vëlla. Në fakt Mondi është drejtori aktual i policisë Shkodër që u emërua një muaj pasi ky miku i ministrit të Brendshëm është përfaqësues i një prej bandave më të rrezikshme në vend u bë ministër i Brendshëm”tha Bardhi, cka solli më pas kallëzimin nga Sulaj
