Gjykata e Apelit të Posaçëm la në fuqi masën e sigurisë "arrest me burg" për Florenc Çapjan, i cili u ekstradua disa javë më parë nga Dubai. Ai dyshohet për përfshirje në dosjen "Plumbi i Artë".
Ndaj Çapjas, SPAK ka ngritur akuzën për “sigurimin e kushteve për vrasje” në dëm të Sokol Sanxhaktarit, dhëndrit të ish-kryetarit të ndjerë të Bashkisë së Elbasanit, Qazim Sejdini.
Nëpërmjet avokatit të tij, Çapja ka mohuar përdorimin e aplikacionit Sky ECC dhe ka pretenduar se akuza ndaj tij bazohet vetëm në dëshmitë e Nuredin Dumanit dhe Henrik Hoxhajt.
Florenc Çapja është dënuar më parë me burgim të përjetshëm si një nga porositësit e vrasjes së Gentian dhe Nezir Beqirit në vitin 2012 në Elbasan.
