Para disa ditësh, kreu i Bashkisë Tiranë Erion Veliaj ndezi dritat e pemëve të Vitit të Ri. Në një aktivitet, me dhjetëra fëmijë të kryeqytetit u bënë pjesë e kësaj ceremonie simbolike për çeljen zyrtarisht të festave të fundvitit në Tiranë.
Si asnjëherë më parë në sheshin "Skënderbej" u vendosën 5 pemë. E paqartë mbetet arsyeja e vendosjes së kaq shumë pemëve por shpresojmë dhe urojmë që të mos lidhet me dosjen " 5D", nga hetimet e së cilës kanë çuar në pranga disa prej drejtorëve kryesore të bashkisë Tiranë, për krijimin e skemave me fatura fiktive, sipas SPAK, për përfitimin e parave nga buxheti shtetit. Sigurisht, dritat e pemëve u ndezën dhe kjo është gjë shumë e mirë. Por le të vijojmë më tej.
Prokurimi Tirana është dekoruar me zbukurime për Krishtlindje dhe Vitin e Ri. Sipas investigimit të VNA-së prokurimi është bërë në muajin tetor për blerjen e dekorimeve për festimet e Vitit të Ri 2024 në qytetin e Tiranës. Sipas Bashkisë Tiranë, qëllimi kryesor është "përgatitja e qytetit të Tiranës për një sezon festiv të ndriçuar dhe të gjallëruar, duke kontribuar në atmosferën pozitive dhe tërheqjen e turistëve gjatë festave të fundvitit". Sipas të dhënave burimi i financimit është me vetëfinancim. Fondi limit: 9,900,000.00 Lekë (pa TVSH). Numri i operatorëve konkurues: 2; Arteo 20218 dhe Iceberg Communication SHPK. Oferta fituese (pa TVSH): 9,379,640.00 Lekë, është Iceberg Communication sh.p.k. Sipas të dhënave firma Arteo 20218 u skualifikua për shkak të mosparaqitjes së mostrave pranë Ndërmarrjes së Dekorit dhe Eventeve në datën dhe orën e caktuar për hapjen e ofertave.
Dekori Nga një shëtitje e thjeshtë në Tiranë, na rezulton zbukurimet në kryeqytet nisin nga rruga mbrapa Muzeut Historik Kombëtar, vijojnë tek rruga krah selisë së Partisë Socialiste, rruga "Myslym Shyri", bulevardi "Dëshmorët e Kombit" dhe rruga krah Kryeministrisë. Pra, janë dhënë 93 milionë lekë që "shfaqja" e dritave dhe zbukurimeve të bëhet vetëm përkrah atyre institucioneve dhe rrugëve që lidhin qeverinë e Partisë Socialiste. Sepse dihet të pjesa tjetër e qytetit duhet të vij të bëjë "turizëm" vetëm në qendër.
