Marsel dhe Xhino Roka, të dyshuar si anëtarë të grupit kriminal të drejtuar nga Suel Çela, janë vëllezërit e Adelajda Roka, drejtoreshës së Agjencisë së Zhvillimit të Territorit.
Adelajda Roka u emërua në krye të Agjencisë së Zhvillimit të Territorit rreth një vit më parë. Kjo agjenci është përgjegjëse për dhënien e lejeve të ndërtimit në territorin e Shqipërisë. 
Burime për VNA bëjnë me dije se në shtëpinë e dy vëllezërve Roka është ushtruar kontroll, mbi bazën e vendimit të Gjykatës së Posaçme. Ndaj tyre rëndojnë dyshime të shumta, përfshirë dhe akuzën e grupit kriminal.
