Bujar, alias Marsel Shega, pronar i kompanive Viola Green dhe Wonder Green, konsiderohet si truri financiar i organizatës kriminale që u godit nga SPAK. Biznesmeni nga Peqini rezulton të jetë një lidhje e fortë e Suel Çelës dhe grupeve të tjera kriminale të përfshira në trafik droge dhe pastrim parash, si dhe ka lidhje të fuqishme në politikë.
Kompanitë e tij kanë fituar disa tendera për pastrimin e qyteteve si Peqin, Elbasan dhe Berat. Ai ka pasur si ish-ortak babain e kryebashkiakut të Beratit, Ervin Demo.
Bujar Shega është arrestuar në Milano. SPAK ka zbuluar strukturën e organizatës kriminale dhe ka firmosur 21 masa sigurie, ku përfshihen 18 masa “arrest në burg,” 1 masë “arrest shtëpiak” dhe 2 masa “detyrim për paraqitje”.
Ndër të dyshuarit janë edhe ish-gjyqtarë, avokatë, ish-zyrtarë policie dhe gazetarë.
