Një avion luftarak F-16 i NORAD-it ka interceptuar mëngjesin e së shtunës një avion të aviacionit të përgjithshëm, i cili kishte hyrë në hapësirën ajrore të kufizuar mbi Thurmont, Maryland, pranë Camp David, ku Presidenti Donald Trump po qëndronte për fundjavën.
Sipas njoftimit të First Air Force, pjesë e U.S. Northern Command, incidenti ndodhi rreth orës 07:50 të mëngjesit. Gjatë ndërhyrjes, avioni luftarak përdori flakadanë për të tërhequr vëmendjen e pilotit dhe për të komunikuar me të. NORAD sqaroi se flakadanët përdoren me masa të larta sigurie, digjen shpejt dhe nuk paraqesin rrezik për njerëzit në tokë.
Avioni civil u shoqërua jashtë zonës së kufizuar pa incidente të mëtejshme. Autoritetet amerikane u kujtuan pilotëve detyrimin për të kontrolluar NOTAM-et para nisjes, në mënyrë që të jenë të informuar për kufizimet e përkohshme të fluturimit.
Mbi Camp David ekziston një zonë e përhershme e ndaluar për fluturime, ndërsa kufizimet zgjerohen kur presidenti ndodhet në rezidencën presidenciale. Trump kishte mbërritur në Camp David të premten në mbrëmje dhe pritet të qëndrojë aty gjatë fundjavës.
