Këshilli i Lartë i Prokurorisë ka publikuar emrat zyrtar të kandidatëve që kanë aplikuar për të drejtuar Prokurorinë e Posaçme në mandatin e ardhshëm. Ata janë 4 prokurorë të posaçëm, të cilët kanë shprehur interes për të zëvendësuar Altin Dumanin, mandati i së cilit përfundon në dhjetor të këtij viti.
NJOFTIM PËR MEDIA
Lidhur me listën e kandidatëve që kanë shprehur interes për pozicionin e Drejtuesit të SPAK
Tiranë, 9 tetor 2025 – Në vijim të procedurës për përzgjedhjen e Drejtuesit të Prokurorisë së Posaçme Kundër Korrupsionit dhe Krimit të Organizuar (SPAK), njoftojmë se, në përfundim të afatit zyrtar dhe kohës së pritjes për depozitimin e dokumentave nëpërmjet shërbimit postar, pranë Këshillit të Lartë të Prokurorisë kanë depozituar shprehjen e interesit për këtë pozicion prokurorët si më poshtë vijon:
• Klodian Braho
• Elvin Gokaj
• Doloreza Musabelliu
• Adnan Xholi
