Gjykata e Posaçme e Shkallës së Parë për Korrupsionin dhe Krimin e Organizuar ka vendosur të vijojë masat e sigurimit për 10 persona të arrestuar dhe nën hetim nga SPAK, të dyshuar për përfshirje në veprimtari kriminale. Vendimi u mor nga gjyqtari Erjon Bani, pas kërkesës së Prokurorisë së Posaçme për verifikimin e kushteve të sigurimit, në bazë të nenit 248 të Kodit të Procedurës Penale.
Sipas vendimit nr. 84, datë 10.08.2025:
Arrest në burg: Ervis Çela, Albin Çela (alias Defrim Çela), Petrit Lakatos (alias Petrit Sulejmani), Renato Musaku, Gert Çerma, Marenglen Kamami dhe Elidon Çela.
Arrest në shtëpi: Riza Çela, me ndalim të largimit nga banesa dhe të komunikimit me persona jashtë familjes.
Detyrim paraqitjeje: Kujtim Gjyla dhe Ditjon Pepa.
Vendimi parashikon mbikëqyrjen e masave nga policia gjyqësore dhe të drejtën e ankimit në Gjykatën e Posaçme të Apelit brenda 5 ditëve. Ky zhvillim pason vendimin e 6 gushtit 2025, kur të njëjtave persona u vendosën masat e para të sigurimit.
